"Hindi lahat ng klase bente!"

"Hindi lahat ng klase bente!, Hindi lahat ng klase bente!, Hindi lahat ng klase bente!". Paulit ulit mong maririnig sa tuwing daraan ang isang tricycle ng may laman na kung anu anong paninda.May accessories, salamin, panyo, at marami pang iba na nagkakahalaga ng bente pesos. Pero bakit Hindi lahat ng klase bente ang sigaw ng mamang nagtitinda na recorded na sa kanayang megaphone?

Eto ang kwento..

Dati ang talgang sigaw niya ay "Lahat ng klase bente!, Lahat ng klase bente, Lahat ng klase bente". Pero ng mapadaan siya sa paradahan ng tricycle tanong ng mga drayber, "Lahat ng klase bente? bilhin na namin motor mo!" Kinukutya siya ng mga drayber tuwing mapapadaan siya kaya siguro iniba na niya ang recording.

Hehehe, nung una nakakatawa pero araw araw mo maririnig eh nakakayamot na.

Hay, pero bilib din ako sa kanya, araw araw sa init ng panahon lumilibot sakay ng kanyang tricycle, na parang wala namang bumibili. Ganoon talaga, kailangang magtyaga, di katulad ko, na absent na lang lagi sa trabaho. Sakitin, tamad, walang pagsusumkap.

"The gem cannot be polished without friction, nor man perfected without trials." - Chinese Proverb